چۆنیەتی هەڵگرتنی دانەوێڵە و گەنم و برنج و ئارد بە شێوەیەکی دروست

تکایە ، هەر پەیج و سایت و میدیا و کەسێك ئەم بابەتەی ئێمە وەردەگرێت و بڵاوی دەکاتەوە دەست خۆشی لێ دەکەین ، بەس تکایە ناوی ئێمە (بلۆگی کشتوکاڵ)  بنووسن وەک  سەرچاوەی یەکەمی بابەتەکە ، لەگەڵ ڕێزدا.

١- سەرەتا پێویستە ئەو شوێنەی دانەوێڵە و ئارد و برنجی لێ هەڵدەگیرێت وشک و فێنک بێت ، واتە پلەی گەرمی لە خوار ٣٠ پلەی سەدییەوە بێت و هەوا گۆڕکێی هەبێت .. چونکە پلەی گەرمی بەرز و شێی بەرز هۆکارن بۆ تووشبوونی دانەوێڵەکە بە مێرووی ئەسپێ .

٢- بەکارهێنانی سرکەی سپی یاخود (ڕۆنی کالپتۆز)

پێویستە ئەو دۆڵاب یاخود شوێنەی کە دانەوێڵەکە و وشەکەکەی تیا هەڵدەگریت ، جا ژێر زەمین بیت یاخود ژوورێک بێت یان ژێر پلیکانەیەک بێت یاخود دۆڵابێک بێت ، وا باشترە بە قوماشێکی پاک کە  بە سرکەی سپی تەڕکرابێت یاخود بە ڕۆنی ( داری کالپتۆز) چەور کرابێت شوێنەکەی پێ پاک بکرێتەوە ، یاخود ڕۆنی کالپتۆزەکە لەگەڵ کەمێک ئاو تێکەڵ بکرێت و بە پەمپێک شوێنەکەی پێ بپرژێندرێت.

یان بەکارهێنانی ڕۆنی درەختی نیم (جۆرێکی درەختی ژەهرە ماسی – سبح بح ) ە یان ڕۆنی سنەوبەر . چونکە بۆنی ئەم جۆرە ڕۆن و ڕووەکانە ناهێڵێت مێرووی ( ئەسپێ ) نزیک بێتەوە لەو شوێنە. یاخود لەو شوێنەدا دروست ببێت 

٣-بەکارهێنانی سەتڵی سەر قەپات و قایم یاخود دەفری شووشەیی بۆ هەڵگرتنی دانەوێڵەکە چونکە هەڵگرتنی دانەوێڵە و وشکە لە ناو گوێنی و کارتۆن دا بە تەواوی ڕێگری لە ئەسپێ ناگرێت کە تووشی دانەوێڵەکە نەبێت.

٤- یەکێکی تر لەو ڕێکارانەی کە پێویستە بگیرێتە بەر ئەویش بەکارهێنانی گەڵای فرێشی (داری غار ) ە ..

- گەڵای داری غار سیفەتێکی هەیە کە دەبێتە هۆی دوورخستنەوەی مێش و مەگەز و مێروو ، لەبەر ئەو بۆنەی کە هەیەتی و زۆر جار بۆ نەهێشتنی بۆنی ساردی خواردنەکانیش بەکاردێت.

دەتوانیت چەند گەڵایەک لە گەڵای داری غار بخەیتە ناو دانەوێڵە یاخود ئەو ئارد و برنجەی کە هەڵی دەگریت ، یان دانانی گەڵای غار لەو ژوور یان ژێر زەمین یان دۆڵابەی کە دانەوێڵە و وشکەکەی لێ هەڵدەگریت.

وە پێویستە کە مانگی جارێک گەڵاکان بگۆڕیت بە گەڵای تازە و نوێ ، ئەگەر زانیت گەڵا کۆنەکە بۆنی بە پێی پێویست نەماوە .

٥- بەکارهێنانی تەڵەی (فیرمۆنی) ، پێویستە لەو شوێنەی کە دانەوێڵە و گەنم و ئارد و برنجت لێ هەڵگرتووە لەم جۆرە تەڵەیە دابنێیت تاوەکو ببێتە هۆی ڕاوکردنی هەموو جۆرە مێروو و هەروەها مێرووی ئەسپێ . 

 ٦- پێویستە مانگێک یاخود دوو مانگ جارێک دانەوێڵە خەزنکراوەکانت بەسەر بکەیتەوە بۆ ئاگاداربوون لەوەی کە ئەسپێیان تووش بووە یاخود نا و لە حاڵەتی بوونی ئەسپێ هەوڵ بدرێت شوینەکە پاک بکرێتەوە و ئەسپێکان لە ناوببردرێت لەو شوینە. چونکە ئەسپێی پێگەیشتوو ئەوپیری یەکساڵ دەژی.

ئامادەکردنی :-

دەوەن سەردار حەمە عەلی

سەرچاوە:-

https://www.wikihow.com/Get-Rid-of-Weevils-(Flour-Bugs)