پەڵپینە دەرمانخانەیە!!

ناوی کوردی:- پەڵپینە

ناوی عەرەبی:- بربین ،البقلە

ناوی ئینگلیزی:-  Pourpier

ناوی زانستی:-  Portulaca oleracea

نیشتیمانی سەرەکی ڕووەکی پەڵپینە وڵاتی هیند و ئێرانە. رووەکێکی بڵاوە لەسەر گۆی زەوی یەکێکە لە ٨ ڕووەکە بڵاوەکان لە جیهاندا، ڕووەکێکی وەرزی هاوینەیە ، گەشەیەکی خێرای هەیە لە وەرزی بەهارو هاویندا، بە تایبەت لەو زەویانەی کە بەراون ئەڕوێت. بەرزیەکەی ئەوپەڕی ئەگاتە ٢٥سم ڕووەکیکی ڕاکشاوە (زاحف) ە .

لێکۆلینەوە زانستییە نوێکان چەندین سوودی ئەم ڕووەکەیان ئاشکرا کردوە ، چەندین ماددەی سودبەخشی تێدایە کە دەوڵەمەندە بە ڕۆنی ئۆمێگا ٣ ، هەروەها دەوڵەمەندە بە ڤیتامینە گرنگەکانی کە دژە ئۆکسانن وەکو ڤیتامین (E،A،C) هەروەها ماددەی گلۆتاسیۆن (glutathione) و میلاتۆنین (melatonin)کە ئەمانە دژە ئۆکسانن و هەڵدەستن بە لەناوبردنی مادە ژەهراویەکان لە لەشدا . دەوری کاریگەری هەیە لە دابەزاندنی ڕێژەی کۆلیسترۆل لە خوێندا.

لە ڕووی بەهای خۆراکیەوە ١٠٠ گم لەم ڕووەکە ١٦ کالۆری تیادایە . دەوڵەمەندە بە کانزاکانی وەکو سۆدیۆم، کالیسیۆم، ئاسن، مەگنیسیۆم، فسفۆر، پۆتاسیۆم .

هەروەها ماددەی دۆپامینی تیادایە کە سودبەخشە بۆ بەهێزکردنی ماسولکەکان، بەم تایبەتمەندیانەی بۆ چارەکردنی چەندین نەخۆشی بە کاردێت ، هەربۆیە ئەتوانین بڵێین ڕووەکی پەڵپینە دەرمانخانەیەکە بۆ خۆی!

بە هیوام سودی هەبێت

ئامادەکردنی:- 

سۆران ابراهیم