بەخێوکردنی مریشکی هێلکە

پەروەردەکردن و بەخێوکردنی مریشک بەگشتی و مریشکی هێلکە بەتایبەتی  سودێکی گرنگی ئابوری و خۆبژێوی زۆری هەیە  جا بۆ هەڵهێنان بێت یان بۆ خواردن  کە وەک گۆشت سەرچاوەیەکی باشی پڕۆتین و چەوری و کانزاکان و هەندێک لە ڤیتامینەکانن..

باشترین جۆرەکانی بەرهەمهێنی هێڵکە:-

لیگهۆڕن کە باشترینیانە لە جیهاندا بۆ زۆری بەرهەمی هێلکە لەگەڵ هەندێک جۆری تر وەک و ئەنکۆنا و ئەندەلوسی

ئەو جۆرانەی بۆ بەرهەمهێنانی هێلکەی توێکڵ سپی بەکاردێن:-

ئێڵ ئێس ئێڵ،رۆز،های سێکس و شیڤەری سپی

ئەوجۆرانەش کەبۆ هێڵکەی توێکڵ قاوەی بەکاردێن وەک:-

ئایسا ی قاوەیی و شیڤەری قاوەی و بابکۆک...هتد

جیاوازیەکی ئەوتۆیان نیە بەڵام ئارەزوی و بەکاربەر و تایبەتمەندێتیەکی کەم نەبێت .

مەرج و پێداویستیەکانی دانانی کێڵگەی پەلەوەری مریشکی هێلکە:-

١-سەرەتا زەوییەکی باش کەلەڕووی ئاوو ئاوەڕۆو با و گەرمیەوە گونجاو بێت.

٢-دروستکردنی هۆڵەکان وابێت کە ڕووەو بانەبێت و سلۆپ(لێژایی) بەڕووی ئاوەڕۆکاندا هەبێت.

٣-بەنزیکی ٢ کم دوربێت لە کێڵگەکانی دەوروبەری و  نزیکی هۆڵێک بۆ هۆڵێکیش لە ٥٠٠م کەمتر نەبێت.

٤-گەر لە کێڵگەکاندا بەشێوەی تەواوکاری هەڵهێنەری ئۆتۆماتیکی هەبێت باشترە وە نزیک بێت لە شەقامی سەرەکیەوە بۆ ناو بازاڕی فرۆشتن.

٥-ئەگەر لە قەفەزدا بەخێوکران بەپێی پێوەری جیهانی بێت ژمارەیان و ئاو و ئالیکیان ئۆتۆماتیکی بێت وە گەر لەسەر ڕاخەر بوو ئەستوریەکەی لە ٥-٨سم دابێت و ئاوو شوێنی خواردن بەپێی ژمارەیان دابنرێ هاوکات لەگەڵ پێوەری جیهانی.

٦-گەر بۆ هێلکەی خواردن بوو پێویست ناکات کەڵەشێریان لەگەڵ بێت و هێلانە و شوێنی هێلکەکردنیان تەنیابەڕێی ئۆتۆماتیکی کۆ ئەکرێتەوە بەڵام بۆ هێلکەی هەڵهێنان زیاتر لە هێلانەکاندان و لەسەر ڕاخەر بۆیان دادەنرێت.

٧-بەرنامەیەکی باشی ڕووناکی پەیڕەوبکرێت جا بەردەوام بێت یان پچڕ-پچڕ.

٨-ئالیکی باش بەپێی قۆناغ و جۆری بەرهەمی هێلکە بێت کە سەرمایەیەکی باشی پێویستە و ئالیک تێچووی ٧٠-٧٥%ی پڕۆژەکانە.

٩-کارمەند و کارگێڕی باش و لانی کەم١-٢ ئەندازیاری کشتوکاڵی و پزیشکێکی ڤێتەرنەری سەرپەرشتیاری بن.

سودەکانی پەروەردەکردنی مریشکی هێلکە:-

١-سەرچاوەی داهاتی کەسی و کۆمەڵگان و ئەبێتە هۆی بەشێک لە دابینکردنی ئاسایشی خۆراک

٢-سەرچاوەی دەوڵەمەندی توخمە خۆراکیەکانن وەک پڕۆتین و چەوری و کانزاکان و ڤیتامینەکان 

٣-خواردنی هێلکە مێشک و خانە و پەیکەری لەش بەهێزدەکات و ووزەیەکی باش بە لەش دەدات

٤-پڕۆژەکانی هێلکە زیاتر تەواوکاری ترن و کارمەند و ئەندازیاری زیاتریان ئەوێت بەمەش دەستی کاری ناوخۆی چالاکتر ئەبن

٥-هێلکەی خواردن زووتر ئەفرۆشرێت و کاری دوای فرۆشتنی ئاسانترە وەک هەڵهێنان و پرۆژە گۆشتیەکان گرانتر نیە

٦-لەڕووی پاراستنی بۆماوەی مریشکەکانەوە کاریگەریەکی زۆریان ئەبێت لەکاتی پرۆژەی هەڵهێناندا

گرانی و هەندێک لە خراپیەکانی ئەم پرۆژانە:-

١-سەرمایەیەکی زیاتریان پێویستە

٢-لەبەرئەوەی مریشکی هێلکە ماوەیەکی زۆرتر بەخێوئەکرێن زیاتر نەخۆشی ڕویان تێ ئەکات

٣-کاری ڕۆژانەی ناوکێڵگەکان زیاترە و جۆر و گۆڕین و پاکردنەوەی ئاو و شوێنی ئالیکیان زیاتر پێویستە وە لەکاتی ئۆتۆماتیکیدا هەندێک کەمتر

٤-شوێنیان زیاتر ئەوێت لەچاو پرۆژەکانی مریشکی گۆشت.

 پلانی دووەمی و ڕێگاچارەی هەندێک لە کێشەکان بەکورتی:-

١-لەکاتی خراپی تەرزی دایکانەکان هەوڵبدرێ بیان گۆڕن بە تەرزە بەرهەم زۆرەکان

٢-لە کاتی بوونی نەخۆشی و مرداربوونەوەی زۆر دوربخرێنەوەو بسوتێنرێن و بەزووی ڤێتەرنەریەکان لە نیشانەکان ئاگاداربکرێنەوە

٣-لەباری خراپی و کەمی ئالیک ئەندازیاران هەوڵبدەن پێکهاتەیەکی دووەمی و باش دابنێن

٤-لە کاتی خراپی ڕاخەر و خراپبوونی ئامێرەکان بەزووی  چارەیان بکەن

ئامادەکردنی: 

باوان مستەفا عەبدولرەحمان

زانکۆی سلێمانی - فاکەڵتی زانستەکشتوکاڵییەکان