ئەسپەراگەسی زبر
ناوی زانستی: Asparagus Sprengeri
ناوی ئینگلیزی: Asparagus
ناوی عەرەبی: اسبرجس خشن
ئەم ڕووەکە بە یەکێک لە ڕووەکە جوانەکان دادەندرێت ، کە سەر بە خێزانی زەنبەقییەکانە و لە ڕووەکە گەڵاییەکانە و گەڵاکانی بچووکن لە قەبارەدا .
نیشتیمانی سەرەکی ئەم ڕووەکە ناوچەکانی باشووری ئەفریقایە و گەشەیەکی بەهێزی هەیە ، کە زیاتر لە ٣٠٠ جۆری هەیە. لەناو ئەو جۆرانەش دا (ئەسپەرەگەسی زبر) ە .
چڵ و پۆپەکانی ڕاکشاون ، گوڵەکانی ئەم ڕووەکە بچوک و سپین و گرنگییەکی ئەوتۆیان نییە و لەم گوڵانەشەوە بەری بچوکی خڕ دروست دەبن و ڕەنگیان سەرەتا سەوزە و پاشان دەگۆڕێت بۆ ڕەنگی سوور و لەناو هەر بەرێک دا دوو دەنک تۆوی خڕی ڕەش هەن.
گرنگی دان بەم ڕووەکە:
ئەم ڕووەکە بۆ شوێنی بەرسێبەر گونجاوە و لە شوێنی بەر سێبەر دا گەشەی باش دەبێت ، پێویستە پلەکانی گەرمای ئەو شوێنە مامناوەند بن و زۆر گەرم نەبێت ، هەروەها شوێنەکەش شێیەکی مامناوەندی هەبێت چونکە ڕووەکەکە حەز بە شوێنی شێدار دەکات ، بۆ ئەو مەبەستەش پێویستە لە هاوین دا بە ئاو گەڵاکانی بپرژێندرێت ، وە بە پێی پێویست ئاو دەدرێت و پێویستە کە گڵەکەی وشک بێتەوە ئینجا ئاودانێکی تری بۆ ئەنجام بدرێت ، وە لە زستانان دا ئاودان کەم دەکرێتەوە ، وە هەر مانگێک پەین دەدرێت بە ڕووەکەکە بۆ ئەوەی گەشەی باش و جوان بێت ، و چڵ و پۆپی وشک بوو لێ دەکرێنەوە بۆ ئەوەی گەڵا و گەشەی تازە دەربکات و ڕووەکەکە بەردەوام دیمەنی جوان بێت ، دوای ماوەی گوڵ گرتن و تەواو بوونی ڕووەکەکە هەڵپاچینی بۆ دەکرێت.
زۆرکردنی :-
ئەم ڕووەکە بە دوو ڕێگا زۆر دەکرێت:
١- بە تۆو :
وەک پێشتریش ئاماژەمان پێی دا تۆوی ئەم رووەکە خڕ و ڕەشە و بەکاردەهێندرێت بۆ زیادکردنی ڕووەکەکە.
لە ئێستادا تۆوی ئەم ڕووەکە لە نوسینگەی کشتوکاڵی گرین گرۆس Green Growth Team – GGT
دەست دەکەوێت و لەم وەرزەدا واتە وەرزی پایز کاتی چاندنی تۆوی ئەم ڕووەکەیە بۆ دەست کەوتنی پەیوەندی بکەن بە نووسینگەکەوە یاخود سەردانی بکەن.
لینیکی پەیجی نوسینگە:
٢- بە بەش کردن:
لەم ڕێگایەش دا ڕووەکێکی گەورەی دایکانە لە ڕەگەوە دابەش دەکرێت و چڵ چڵ دەکرێت و بەو مەرجەی هەر چڵێک کەمێک ڕەگی پێوە مابێت و بە جیا لەناو ئینجانەی تردا دەڕوێندرێت.
بەکارهێنانی ئەم ڕووەکە:
ئەم ڕووەکە بۆ ڕازاندنەوەی ئۆفیس و کافتریا و ناو ماڵەکان گونجاوە و دیمەنێکی جوان دەبەخشێت بەو شوێنەی کە ئەم ڕووەکەی لێ دادەندرێت .
ئامادەکردنی:
دەوەن سەردار حەمە عەلی
ئەندازیاری کشتوکاڵ
بۆچوون: