بەشی یەکەم:-
دامەزراندنی نەمامگە بۆ پەروەردەکردن و بەرهەم هێنانی ڕووەکە بەرسێبەرەکان
پەروەردەکردن و بەرهەم هێنانی ڕووەکە بەرسێبەرەکان لە زۆربەی ووڵاتانی جیهان بە تایبەتی و وڵاتانی عەرەبی و کوردستان بە گشتی بە پێویستی ژیانی ڕۆژانە دادەنرێت ، لەبەر ئەمەش ژمارەیەکی زۆر لە نەمامگەی تایبەت بە بەرهەم هێنانی جۆرێک
لە ڕووەکی جوانکاری وە بەرەەم هێنان و پەروەردەکردنی ڕووەکە بەرسێبەرەکان هەیە ، وەک گۆپکە کانی جوانکاری وە دار و هەڵواسراوەکان و ڕووەکەکانی ( گلادیۆلس ، تیلوب ، ایرس ) یان بەرهەمهێنانی گوڵەکانی لێکردنەوە ( چنین ) وەک ( مێخەک – داودی ) یاخود بۆ تاکە دەستکەوتێک لە ڕووەکە سێبەرەکان وەک ( مەگاگ ) قەفەسی سەدری و چۆلەکەی بەهەشت و ... هتد.
رووبەری نەمامگە کە ( ٥ ) دۆنم یان زیاترە لە زۆربەی خانووە شووشەیی یان نایلۆنی ، چونکە پەروەردەکردن و بەرهەم هێنانی ڕووەکە بەرسێبەرەکان بە هەموو لقەکانیەوە پێویستی بە چاودێری تایبەت و ڕەخساندنی هۆکارەکانی کۆنترۆڵکردنی پلەی گەرمی و ڕادەی شێ و ڕووناکی هەیە ، ئەمەش بۆ هەر ڕووەکێک لە ڕووەکەکان وە هەروەها جیاوازی نێوان شەو و ڕۆژ لە بارەی پلەی گەرمی ڕادەی شێ ، وە دەبێت کردارەکانی ئاودان و پەینکردن ئۆتۆماتیکی بێت وێڕای دابەشکردنی ئاو زیاتر نەبێت (١٥ – ٢٠ ) مەتر ،سەبارەت بەگەرمەسێری ووڵاتەکەمان دەشێ پەروەردەکردنی هەندێ ڕووەکی جوانکاری لە کێڵگەدا بێت لەبەر ئەوە پلەی گەرمی بەرزە لە هاویندا لە ناو ئەو ناوچانە.
مەرجەکانی دروستکردنی نەمامگە بۆ ڕووەکە بەرسێبەرەکان:-
١- ئاسانی هاتووچۆ بۆ ساخ کردنەوەی بەرهەمەکان.
٢- دەبێت نەمامگە تیشکی خۆر لێیبدات .
٣- دەبێت خاکی نەمامگە ئاو باش بدەڵێنێت.
٤- دەبێت دووربێت لەو شوێنانەی کە پەتای کشتوکاڵی وە سەرچاوەی نەخۆشی کە ڕوویی لێیە.
٥- دەبێت نەمامگە دوور بێت لەو شوێنانەی با دەیانگرێتەوە.
بۆ دامەزراندنی نەمامگەی بەرهەم هێنان و پەروەردەکردنی ڕووەکە بەرسێبەرەکان دەبێت ئەم خاڵانە ڕەچاو بکرێن:-
١- دروستکردنی دیوارێک کە بەرزییەکەی لە ( ١ ) مەتر زیاتر نەبێت .
٢- دابەشکردنی زەوی بە پێی ژمارەی خانووە شوشەیی و نایلۆنیەکان کە لەسەری دروستیان دەکەین.
٣- دابەشکردنی زەوی بە پێی جۆر و لقی ڕووەکە بەرسێبەرەکان کە دەمانەویت بەرهەمی بهێنین.
٤- دەستنیشانکردنی شوێنێکی تایبەت بۆ زۆرکردنی ڕووەکە بەرسێبەرەکان بە پێی جۆر و وەدەستهێنانی یەک جۆر.
٥- تەرخان کردنی شوێنێک بۆ هەڵگرتنی ئامێر و پەینەکان.
٦- تەرخانکردنی شوێنێک بۆ هەڵگرتنی مەرکانەکان بە پێی قەبارەکانیان.
٧- تەرخانکردنی تانکی ئاو بۆ ئاودانی ڕووەکەکانی جوانی لەگەڵ دابەشکردنی تۆڕی ئاو.
٨- تەرخانکردنی شوێنێک بۆ سێبەری دارین کە ڕووبەرەکەی لەمتر بێت لە (١٠٠٠) هەزار مەتر دوو جا.
٩- تەرخانکردنی شوێنێکی تایبەت بۆ هەڵگرتنی ڕووەکە بەرسێبەرەکان لە کاتی پێویست وە دابینکردنی ساردکەرەوەیەکیش بۆ پاراستنی گوڵەکانی جوانی.
نووسینی:-
د.تاهیر نەجم ڕەسوڵ بەیتوشی
پرۆفیسۆری یاریدەدەر
نوسینەوەی بابەتەکە:-
ئەندازیاری کشتوکاڵ
دەوەن سەردار حەمە عەلی
بۆچوون: