پێر لایت چییە ؟ بۆچی زیاد دەکرێت بۆ خاک و پیتمۆس

پێرلایت Perlite:-

بریتییە لە دەنکۆڵەی بچووکی سپی مەیلەو خۆڵە مێشی لە شووشەی بورکانی دروستکراوە ، کە تیرەی دەنکۆڵەکانی لە نێوان ١،٥ – ٣ ملم دایە ، توانایەکی باشی هەیە بۆ پارێزگاری کردن لە ئاو بە توانای ٣ -٤ ئەوەندەی کێشی وشکی خۆی .

لە پێرلایت دا توخمە خۆراکییەکان بوونی نییە و پلەی ترشێتیشی مامناوەندە .

سوودی پێرلایت:- 

بەکاردێت بۆ زیادکردنی بۆشای و هەواگۆڕکێ لە ناو ناوەندێکی کشتوکاڵی ( خاک ) کە بۆی زیاد دەکرێت کە لەگەڵ پیتمۆس دا تێکەڵ دەکرێت و ئینجا بەکاردەهێندرێت .

هەروەها دەتواندرێت وەک ناوەندێک بۆ چاندنی قەڵەمی ڕووەکەکان بە تەنیا بەکاربهێندرێت .

شیکاری نموونەیی بۆ پێرلایت:-

پێرلایت لە ئەنجامی شیکاری دا لەم ماددە کیمیاییانەی خوارەوە پێکهاتووە:-

٧٠% - ٧٥%        دووەم ئۆکسیدی سلیکۆن    SiO₂

١٢% - ١٥%        ئۆکسیدی ئەلەمنیۆم          Al₂O₃

٣% - ٤%            ئۆکسیدی سۆدیۆم            Na₂O

٣% - ٥%            ئۆکسیدی پۆتاسیۆم           K₂O

٢% - ٠.٥ %        ئۆکسیدی ئاسن             Fe₂O₃

٠.٢% - ٠.٧%      ئۆکسیدی مەگنسیۆم         MgO

٠.٥% ١.٥%        ئۆکسیدی کالسیۆم           CaO

٣% - ٥%            ئاو و ماددەی کیمایی

ئامادەکردنی:-

ئەندازیاری کشتوکاڵ

دەوەن سەردار حەمە عەلی