گووڵی هایدرنجیا زیاتر بناسە

هایدرنجیا ماکرۆفیلا 

ناوی زانستی : Hydrnagea Macrophylla

دەگەڕێتەوە بۆ خێزانی: Saxifraga

شوێنی بنەڕەتی ڕووەکەکە:

ڕۆژهەڵاتی ئاسیا و چین و ژاپۆن.

ناساندنی ڕووەکەکە:

ڕووەکێکی بەرسێبەری گەڵا و گوڵ جوانە وە لە مانگی ئازار تا مانگی ئاب گوڵ دەکات.

زیاد بوونی :

بە قەڵەمی قاژە ، بە تۆویش زیاد دەکات.

پێداویستییەکانی گەشەی ڕووەکەکە:

پلەی ترشێتی خاکەکە ( pH 6-6.5 ) بێت کە ڕۆڵێکی گەورەی هەیە لە گەشەکردنی ڕووەکەکە وە ئەگەر کەم بوو ڕەنگی گوڵەکان لە ساڵی دووەم بۆ ڕەنگی شین دەگۆڕێن . وە لە کاتی گۆڕانی بۆ پلەیەکی تر ڕەنگەکەی دەگۆڕدرێت بۆ سپی.

وە ئاودانی زۆر ، پلەی گەرمی لە سنووری 20 سەدی بۆ ئەوەی قاژە ڕەگ دروست ببێت ، وە شێکەشی %٥٠ بێت وە ئەم ڕووەکە بەرگەی نەمانی تیشکی خۆر دەگرێت بۆیە بە ڕووەکە دەگمەنەکان دادەنرێت ، وە پێویستە خاکەکەشی تێکەڵ بێت لە لم و سلت و دوبال بە ڕێژەی ٢:١:٢ وە پەینی دەکەین بە سلفاتی ئەمۆنیۆم نزیکەی ١٠- ١٥ گرام بۆ هەر گاڵۆنێک ئاو بە تایبەتی لە وەرزی هاوین ، وە خۆی لە خۆی دا ڕووەک لە مەرکان دەچێندرێت وە دەشتوانرێت ڕاستەوخۆ بچێنرێت لە خاک.

مەبەست لە پەروەردەکردنی:

لێکوەشاندنەوەی ناوەکی وە بەمەبەستی بازرگانی . زیادبوونی بە قاژە.

ئامادەکردنی:

پرۆفیسۆری یاریدەدەر

د.تاهیر نەجم ڕەسوڵ بەیتوشی

پەرتووکی ( بەرهەمهێنان  و پەروەردەکردنی ڕووەکەکانی بەرسێبەر)

دووبارە نووسینەوەی:

دەوەن سەردار حەمە عەلی