پیلیا ... ئەو ڕووەکە جوانییەی پێی دەوترێت (ئەلەمنیۆم)

ناوی زانستی:- Pilea cadierei
ناوی ئینگلیزی:- Aluminium plant

ڕووەکێکی بچووکە ، جۆری زۆرە هەندێکی ڕاوەستاوە و هەندێکی خشۆکە ، گەڵاکانی سەوز و بریسکەدارە نەخشی سپی تێدایە ، گەڵاکانی بچووکە و درێژییەکەی ٨ – ١٠ سم دەبێت ، ڕووەکی پیلیا پێویستی بە خاکێک هەیە کە پێکهاتبێت لە لم و وردە گەڵای ڕزی و پەین بە ڕێژەی ١:٢:٢.
پیلیا حەز لە شوێنی کەم ڕووناکی دەکات ، کە پلەی گەرمی ١٢ – ١٨ پلەی سەدی بێت و پێویستیشە شیی هەوا %٤٠ بێت ، زۆر ئاو دەدرێت و هەموو هەفتەیەک پەینی تێدەکرێت ، لە زستان دا ئاودانی کەم دەکرێتەوە و دەچێتە قۆناغی متبوون ، ئەم ڕووەکە بە قەڵەم زیاد دەکرێت و جونییەکی زۆر دەبەخشیت ئەگەر لەبەر پەنجەرە یان لە سووچی ژووردا دابنرێت .